2022-09-08
Azərbaycan Respublikasının Elm və Təhsil Nazirliyi (ETN) tərəfindən malayziyalı gənclər üçün Azərbaycanda ali təhsil imkanlarına dair virtual təqdimat keçirilib
Azərbaycan Respublikasının Elm və Təhsil Nazirliyi (ETN) tərəfindən malayziyalı gənclər üçün Azərbaycanda ali təhsil imkanlarına dair virtual təqdimat keçirildi. Səfirliyimizin təşəbbüsü ilə təşkil olunmuş tədbirdə ETN-in nümayəndəsi cənab Müjdat Həsənov və onun həmkarları “Azərbaycanda təhsil” adlı tədqimat zamanı bu barədə ətraflı məlumat verdi, malayziyalı iştirakçıların suallarını cavablandırdı.
Tədbirdə Malayziyanın nüfuzlu MARA Texnologiya Universitetinin (UiTM), Malayziya Milli Universitetinin (UKM), Malayziya Texnologiya Universitetinin (UTM) və Sultan Azlan Şah Universitetinin (USAS) nümayəndələri, eləcə də Malayziya Gənclər Şurasının və Malayziya Müsəlman Gənclər Hərəkatının təmsilçiləri iştirak etdi.
